കഴുത്തിൽ കയർ കെട്ടി പുഴയിലേക്ക് ചാടിയയാൾ കഴുത്തറ്റ് മരിച്ചു; സംഭവം കോഴിക്കോട്

കോഴിക്കോട്: പാലത്തിൽ നിന്ന് കഴുത്തിൽ കയർകെട്ടി ചാടിയയാൾ കഴുത്തുമുറിഞ്ഞ് മരിച്ചു. കോഴിക്കോട് തുഷാരഗിരിയിലാണ് സംഭവം. പാലത്തിന്റെ കൈവരിയിൽ നിന്ന് കഴുത്തിൽ കയറ് മുറുക്കിയ ശേഷം പുഴയിലേക്ക് ചാടിയെന്നാണ് പ്രാഥമിക വിവരം.

ചാടിയതിന്റെ ആഘാതത്തിൽ കഴുത്തറ്റ് പോവുകയായിരുന്നു. ശരീരഭാ​ഗം പുഴയിൽ പതിക്കുകയും തല മാത്രം കയറിൽ തൂങ്ങികിടക്കുകയും ചെയ്തു. രാവിലെ വിനോദസഞ്ചാരികളാണ് മൃതദേഹം കണ്ടത്. കയറിന്റെ ഭാ​ഗത്ത് തല മാത്രം തൂങ്ങിക്കിടക്കുന്ന നിലയിലായിരുന്നു. തുടർന്ന് പൊലീസിനെ വിവരമറിയിച്ചു. പൊലീസും അ​ഗ്നിരക്ഷാസേനയും എത്തി തുടർനടപടികൾ ആരംഭിച്ചു. മൃതദേഹം തിരിച്ചറിഞ്ഞിട്ടില്ല.