കോഴിക്കോട് പന്തീരാങ്കാവ് ഫ്ലാറ്റിൽ നിന്ന് വീണ് 7 വയസുകാരൻ മരിച്ചു; അപകടം ബാൽക്കണിയിൽ കളിച്ചുകൊണ്ടിരിക്കുമ്പോൾ

പന്തീരാങ്കാവ് ഇരിങ്ങല്ലൂർ ലാൻ്റ് മാർക്ക് ‘അബാക്കസ് ‘ ബിൽഡിംഗിലെ ഏഴാം നിലയിൽ നിന്ന് വീണ് രണ്ടാം ക്ലാസ് വിദ്യാർത്ഥി മരിച്ചു. നല്ലളം കീഴ് വനപാടം എം.പി. ഹൗസിൽ മുഹമ്മദ് ഹാജി സ്-ആയിശ ദമ്പതികളുടെ മകൻ ഇവാൻ ഹൈബൽ (ഏഴ്) ആണ് ചൊവ്വാഴ്ച രാത്രി 9 മണിയോടെ അപകടത്തിൽപെട്ടത്. കളിക്കുന്നതിനിടെ ബാൽക്കണിയിൽ കയറിയ കുട്ടി ഏഴാം നിലയിൽ നിന്ന് താഴേക്ക് പതിക്കുകയായിരുന്നു. ശബ്ദം കേട്ട് ഓടി എത്തിയ സെക്യൂരിറ്റി ജീവനക്കാരും മറ്റുള്ളവരും ചേർന്ന് കുട്ടിയെ തൊട്ടടുത്ത സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.