സ്‌കോളര്‍ഷിപ്പ്: ഒടിആര്‍ നമ്പര്‍ അപ്ഡേറ്റ് ചെയ്യണം

2025-26 വര്‍ഷം മുതല്‍ പ്രീമെട്രിക് (ഒമ്പത്, 10 ക്ലാസുകള്‍), പോസ്റ്റ്മെട്രിക് സ്‌കോളര്‍ഷിപ്പിന് അപേക്ഷിക്കുന്നവരില്‍ 2.5 ലക്ഷം രൂപയില്‍ താഴെ വരുമാനമുള്ള പട്ടികവര്‍ഗ വിദ്യാര്‍ഥികള്‍ക്ക് കേന്ദ്ര സര്‍ക്കാര്‍ ധനസഹായം ലഭിക്കാന്‍ scholarships.gov.in പോര്‍ട്ടലില്‍ രജിസ്റ്റര്‍ ചെയ്ത് ഒടിആര്‍ നമ്പര്‍ ഇ-ഗ്രാന്റ് വെബ്‌സൈറ്റില്‍ അപ്ഡേറ്റ് ചെയ്യണം. എന്‍എസ്പി, ഒടിആര്‍, ആധാര്‍ ഫേസ് ആര്‍ഡി എന്നീ മൊബൈല്‍ ആപ്ലിക്കേഷന്‍ ഉപയോഗിച്ച് വിദ്യാര്‍ഥികളെ രജിസ്റ്റര്‍ ചെയ്യിക്കാന്‍ വിദ്യാഭ്യാസ സ്ഥാപനങ്ങള്‍ ശ്രദ്ധിക്കണമെന്ന് പട്ടികവര്‍ഗ വികസന ഓഫീസര്‍ അറിയിച്ചു. ഫോണ്‍: 0495 2376364.