സംസ്ഥാനത്ത് സ്വർണവിലയിൽ വൻ ഇടിവ്: ഈ മാസത്തെ ഏറ്റവും കുറഞ്ഞ നിരക്കിൽ

സംസ്ഥാനത്ത് സ്വർണവിലയിൽ വൻ ഇടിവ് രേഖപ്പെടുത്തി. ഗ്രാമിന് 75 രൂപയും പവന് 600 രൂപയുമാണ് ഇന്ന് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ വില 13,515 രൂപയായും, ഒരു പവൻ സ്വർണത്തിന്റെ വില 1,08,120 രൂപയായും താഴ്ന്നു. ഒക്ടോബർ മാസത്തിലെ ഏറ്റവും കുറഞ്ഞ സ്വർണ നിരക്കാണിത്.ഈ മാസം 10, 11 തീയതികളിൽ റെക്കോർഡ് ഉയരത്തിലായിരുന്ന (ഗ്രാമിന് 13,880 രൂപ) സ്വർണവിലയാണ് തുടർച്ചയായ ദിവസങ്ങളിലെ ഇടിവിലൂടെ ഈ മാസത്തെ ഏറ്റവും താഴ്ന്ന നിലയിൽ എത്തിയിരിക്കുന്നത്. ആഗോള വിപണിയിലെ മാറ്റങ്ങളും ഡോളറിന്റെ മൂല്യത്തിലുണ്ടായ വ്യതിയാനങ്ങളുമാണ് ആഭ്യന്തര വിപണിയിലും പ്രതിഫലിച്ചത്. വിവാഹ സീസൺ അടുത്തുവരുന്ന പശ്ചാത്തലത്തിൽ വിലയിലുണ്ടായ ഈ കുറവ് സാധാരണക്കാരായ ഉപഭോക്താക്കൾക്കും വലിയ ആശ്വാസമാണ് നൽകുന്നത്. വരും ദിവസങ്ങളിലും ഈ കുറവ് തുടരുമോ എന്നാണ് വിപണി ഉറ്റുനോക്കുന്നത്.