രാജിവെച്ച ബിജെപി എംഎൽഎ കോൺഗ്രസിലേക്ക്; മറ്റൊരു ജെഡിഎസ് എംഎൽഎയും കോൺഗ്രിൽ ചേരും

നിയമസഭ തിരഞ്ഞെടുപ്പ് നടക്കാനിരിക്കെ ബി ജെ പിയേയും ജെ ഡി എസിനേയും ഞെട്ടിച്ച് കോൺഗ്രസിലേക്ക് നേതാക്കളുടെ ഒഴുക്ക് തുടരുന്നു. ഏറ്റവും ഒടുവിലായി രാജിവെച്ച ബി ജെ പി എം എൽ എയും കോൺഗ്രസിൽ ചേരാൻ ഒരുങ്ങുകയാണ്. വിജയനഗര ജില്ലയിലെ കുഡ്ലിഗി മണ്ഡലത്തിൽ നിന്നുള്ള എം എൽ എയായ എൻ വൈ ബാലകൃഷ്ണയാണ് കോൺഗ്രസിൽ ചേരുക.

കഴിഞ്ഞ ദിവസമായിരുന്നു ഗോപാലകൃഷ്ണ ബി ജെ പിയിൽ നിന്നും രാജിവെച്ചത്. അടുത്തിടെയായി ഗോപാലകൃഷ്ണ കോൺഗ്രസ് നേതാക്കളുമായി ബന്ധം പുലർത്തുന്നുണ്ടെന്ന റിപ്പോർട്ടുകൾ ഉണ്ടായിരുന്നു. പിന്നാലെ കെ പി സി അധ്യക്ഷൻ ഡികെ ശിവകുമാറുമായും പ്രതിപക്ഷ നേതാവ് സിദ്ധരമായ്യയുമായും അദ്ദേഹം കൂടിക്കാഴ്ച നടത്തുകയും ചെയ്തിരുന്നു. ഇതിന് ശേഷമാണ് ഇപ്പോൾ ഗോപാലകൃഷ്ണ രാജിവെച്ചിരിക്കുന്നത്.