കേരളത്തില് ഡെങ്കിപ്പനി വ്യാപിക്കാന് സാധ്യത
ഇടവിട്ടുള്ള മഴ കാരണം ഡെങ്കിപ്പനി ഉള്പ്പെടെയുള്ള കൊതുകുജന്യ രോഗങ്ങള് വര്ധിക്കാന് സാധ്യതയുള്ളതിനാല് ജാഗ്രത പാലിക്കണമെന്ന് ആരോഗ്യ വകുപ്പ്. ഡെങ്കിപ്പനി, ചിക്കുന്ഗുനിയ, മലേറിയ, ഫൈലേറിയസിസ്, സിക്ക തുടങ്ങിയ ഗുരുതര രോഗങ്ങള് കൊതുക് വഴി പരത്താന് സാധ്യതയുണ്ട്. അതിനാല് കൊതുകിന്റെ ഉറവിട നശീകരണത്തിന് പ്രാധാന്യം നല്കണം. വീടിനകത്തും പുറത്തും വെള്ളം കെട്ടി നില്ക്കാന് അനുവദിക്കരുത്. കൊതുകുകടി ഏല്ക്കാതിരിക്കാന് മുന്കരുതലുകള് സ്വീകരിക്കണം. വീടും പരിസരവും വൃത്തിയായി സൂക്ഷിക്കണം. മഴക്കാലപൂര്വ ശുചീകരണ പ്രവര്ത്തനങ്ങള് കൂടുതല് ശക്തമാക്കണമെന്നും ആരോഗ്യ വകുപ്പ് നിര്ദേശിച്ചു.
View Comments (0)