കരുത്തുകാട്ടി ഫ്രാൻസും സ്പെയിനും; സൗഹൃദമത്സരങ്ങളിൽ വൻജയം

സൗഹൃദമത്സരത്തിൽ ലിത്വാനിയയെ തകർത്ത് സ്പെയിൻ കരുത്തുകാട്ടി. സ്പെയിന്റെ അണ്ടർ 21 ടീം കളിക്കളത്തിലിറങ്ങിയ മത്സരത്തിൽ എതിരില്ലാത്ത നാല് ​ഗോളിനായിരുന്നു ആതിഥേയരുടെ ജയം. മറ്റൊരു മത്സരത്തിൽ ഫ്രാൻസ് ബൾ​ഗേറിയയെ തകർത്ത് തരിപ്പണമാക്കി.

ലെ​ഗാനീസിൽ നടന്ന മത്സരം അന്താരാഷ്ട്ര സൗഹൃദപോരാട്ടമായിരുന്നെങ്കിലും യുവനിരയെ കളിക്കളത്തിലിറക്കാനായിരുന്നു തീരുമാനം. ടീമിനെ ഒരുക്കിയതും അണ്ടർ 21 പരിശീലകൻ തന്നെയാണ്. മത്സരത്തിന്റെ മൂന്നാം മിനിറ്റിൽ തന്നെ ഹ്യൂ​ഗോ ​ഗ്വില്ലാമോണിലൂടെ സ്പെയിൻ മുന്നിലെത്തി. പിന്നീട് ബ്രാഹിം ഡിയാസ്, ജാവി പുവാഡോ, ജുവാൻ മിറാൻഡ എന്നിവർ കൂടി സ്പെയിന് വേണ്ടി ​ഗോൾവലകുലുക്കി.

ഫ്രാൻസിലെ നാഷ്ണൽ സ്റ്റേഡിയത്തിൽ നടന്ന പോരാട്ടത്തിൽ എതിരില്ലാത്ത മൂന്ന് ​ഗോളിനാണ് ആതിഥേയർ ബൾ​ഗേറിയയെ തകർത്തത്. 29-ാം മിനിറ്റിൽ അന്റോയിൻ ​ഗ്രീസ്മെനാണ് ഫ്രാൻസിനായി ആദ്യ ​ഗോൾ നേടിയത്. പിന്നീട് പകരക്കാരനായി ഇറങ്ങിയ ഒളിവർ ജീറൂഡ് 83,90 മിനിറ്റുകളിൽ ഫ്രാൻസിനായി രണ്ട് ​ഗോളുകൾ കൂടി നേടി.