സദാചാര ആക്രമണത്തിൽ പരുക്കേറ്റ ബസ് ഡ്രൈവർ മരിച്ചു.

തൃശ്ശൂരിൽ സദാചാര ആക്രമണത്തിന് ഇരയായ ബസ് ഡ്രൈവർ മരിച്ചു. പഴുവിൽ സ്വദേശിയായ സഹർ (32) ആണ് മരിച്ചത്. തൃശൂർ-തൃപ്രയാർ റൂട്ടിലോടുന്ന സ്വകാര്യ ബസിലെ ഡ്രൈവറായിരുന്ന സഹർ കഴിഞ്ഞ മാസം പതിനെട്ടിനായിരുന്നു ആക്രമിക്കപ്പെട്ടത്. പഴുവിൽ തിരുവാണിക്കാവ് ക്ഷേത്രത്തിന് സമീപത്തുവെച്ചായിരുന്നു ആക്രമണം. ഗുരുതരമായ പരുക്കേറ്റ സഹറിനെ തൃശ്ശൂരിലെ ഒരു സ്വകാര്യ ആശുപത്രിയിൽ ചികിത്സയിൽ പ്രവേശിപ്പിച്ചിരിക്കുകയായിരുന്നു. സഹറിനെ ആക്രമിച്ച ആറ് പ്രതികളും ഒളിവിലാണ്.