കുതിച്ചുയര്‍ന്ന് സ്വര്‍ണവില; പവന് 1200 രൂപ കൂടി

സ്വര്‍ണവിലയില്‍ റെക്കോര്‍ഡ് വര്‍ധന. ഒറ്റ ദിവസം കൊണ്ട് 1200 വര്‍ധിച്ചതോടെ സ്വര്‍ണം പവന് 44,240 രൂപയായി. ഗ്രാമിന് 5,530 രൂപയായാണ് പുതിയ വില. അന്താരാഷ്ട്ര വിപണിയിലെ അപ്രതീക്ഷിത മാറ്റങ്ങളാണ് സ്വര്‍ണവിലയില്‍ വലിയ വ്യത്യാസമുണ്ടാക്കുന്നതെന്ന് വിദഗ്ധര്‍ പറയുന്നു. ഈ വർഷം മാർച്ച്‌ 14 മുതൽ 42,000 ത്തിന് മുകളിൽ ആണ് സംസ്ഥാനത്ത് സ്വര്‍ണ വ്യാപാരം നടക്കുന്നത്. കഴിഞ്ഞ വർഷം ഡിസംബർ അവസാനം മുതൽ തന്നെ സ്വർണം 40,000 ത്തിന് മുകളിലാണ് വ്യാപാരം നടന്നത്.