വയനാട്ടിൽ റിസോർട്ടിൽ യുവതിയെ കൂട്ട ബലാത്സംഗത്തിനിരയാക്കി; സ്ത്രീകള്‍ ഉള്‍പ്പടെ ആറു പേര്‍ അറസ്റ്റില്‍
വയനാട് വൈത്തിരിയില്‍ യുവതിയെ കൂട്ടബലാത്സംഗത്തിന് ഇരയാക്കി.തമിഴ്നാട് കോയമ്പത്തൂർ സ്വദേശിനിയായ യുവതിയാണ് പീഡനത്തിന് ഇരയായത്. യുവതി നല്‍കിയ പരാതിയില്‍ രണ്ട് സ്ത്രീകള്‍ ഉള്‍പ്പടെ ആറു പേര്‍ അറസ്റ്റിലായി. ജോലി വാഗ്ദാനം നല്‍കി കൂട്ടിക്കൊണ്ടു വന്ന യുവതിയെ റിസോര്‍ട്ടിലും പിന്നീട് ഹോം സ്റ്റേയിലും എത്തിച്ച്‌ പീഡിപ്പിക്കുകയായിരുന്നു
പേരാമ്പ്ര സ്വദേശി റിയാസ് എന്ന മുജീബ് ( 33), വടകര വില്യാപ്പള്ളി സ്വദേശി ഷാജഹാന്‍ (42 ), തമിഴ്നാട് തിരുപ്പൂര്‍ സ്വദേശിനി ശരണ്യ (33 ) തിരുവനന്തപുരം പാറശ്ശാല സ്വദേശിനി മഞ്ജു എന്ന ഭദ്ര (33), മേപ്പാടി താഴെ അരപ്പറ്റ സ്വദേശി ഷാനു എന്ന ഷാനവാസ് (28), വൈത്തിരി തളിപ്പുഴ സ്വദേശി അനസുല്‍ ജമാല്‍ (27) എന്നിവരാണ് പിടിയിലായത്.
പ്രതികളായ സത്രീകളാണ് യുവതിക്ക് ജോലി വാഗ്ദാനം ചെയ്ത് വയനാട്ടില്‍ എത്തിച്ചത്. തുടര്‍ന്ന് പീഡിപ്പിക്കുകയായിരുന്നു. കല്‍പ്പറ്റ ഡിവൈഎസ്പി ടി.പി.ജേക്കബിന്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
View Comments (0)