ഇന്ന് ലോക എയ്ഡ്സ് ദിനം.
2025 വര്ഷത്തോടു കൂടി പുതിയ എച്ച്.ഐ.വി അണുബാധ ഇല്ലാതാക്കുകയാണ് സംസ്ഥാനത്തിന്റെ ലക്ഷ്യമെന്ന് ആരോഗ്യ വകുപ്പ് മന്ത്രി വീണാ ജോര്ജ്. 2030 ഓടു കൂടി പുതിയ എച്ച്.ഐ.വി അണുബാധ ഇല്ലാതാക്കുകയാണ് ഐക്യരാഷ്ട്രസഭയുടെ സുസ്ഥിര വികസന ലക്ഷ്യങ്ങളിലൊന്ന്. എന്നാല് ആരോഗ്യ മേഖലയില് ശ്രദ്ധേയമായ നേട്ടങ്ങള് കൈവരിച്ച കേരളത്തിന് അത് നേരത്തെ കൈവരിക്കാനാകും.
ഈയൊരു ലക്ഷ്യം മുന്നിര്ത്തിയുള്ള നടപടികള് സംസ്ഥാനത്ത് ലോക എയ്ഡ്സ് ദിനത്തില് തുടക്കം കുറിക്കുകയാണ്. എച്ച്.ഐ.വി പ്രതിരോധ പ്രവര്ത്തനങ്ങള് ശക്തിപ്പെടുത്തിയും ഇതിനകം എച്ച്.ഐ.വി അണുബാധിതരായ എല്ലാവരേയും പരിശോധനയിലൂടെ കണ്ടെത്തി അവര്ക്ക് മതിയായ ചികിത്സയും പരിചരണവും നല്കുന്നതിലൂടെയും ഈയൊരു ലക്ഷ്യത്തിലെത്താന് കഴിയുമെന്നും മന്ത്രി വ്യക്തമാക്കി.
എയ്ഡ്സിനെക്കുറിച്ച് ജനങ്ങളില് അവബോധം സൃഷ്ടിക്കുന്നതിനും എച്ച്.ഐ.വി അണുബാധിതരോട് ഐക്യദാര്ഢ്യം പ്രഖ്യാപിക്കുന്നതിനും, എച്ച്.ഐ.വി പ്രതിരോധത്തില് പൊതുജന പങ്കാളിത്തം ഉറപ്പാക്കുന്നതിനുമായാണ് ഈ ദിനം ആചരിക്കുന്നത്. ‘അസമത്വങ്ങള് അവസാനിപ്പിക്കാം, എയ്ഡ്സും മഹാമാരികളും ഇല്ലാതാക്കാം’ എന്നതാണ് ഈ വര്ഷത്തെ ലോക എയ്ഡ്സ് ദിന സന്ദേശം.
View Comments (0)