താമരശ്ശേരിയിൽ വിദ്യാര്ഥികൾക്ക് വാട്ടർബോട്ടിലിൽ വ്യാജമദ്യം എത്തിച്ചു നൽകി പത്താം ക്ലാസുകാരൻ
താമരശ്ശേരിയിൽ വിദ്യാര്ഥികള്ക്ക് വ്യാജമദ്യം എത്തിച്ചു നല്കി പത്താം ക്ലാസുകാരന്. വിദ്യാര്ഥികള് മദ്യം ഉപയോഗിക്കുന്നുവെന്ന രഹസ്യവിവരത്തെ തുടര്ന്ന് അധ്യാപകര് നടത്തിയ പരിശോധനയില് വാട്ടര്ബോട്ടിലില് വാറ്റ്ചാരായം കണ്ടെത്തുകയായിരുന്നു.കുട്ടിയെ ചോദ്യം ചെയ്തതില് നിന്നും സഹപാഠിയായ വിദ്യാര്ഥി എത്തിച്ചു നല്കിയതാണ് എന്ന വിവരം ലഭിച്ചു. പല കുട്ടികള്ക്കും ഇത്തരത്തില് വാറ്റ് വാറ്റ് ചാരായം പതിവായി വിദ്യാര്ഥി എത്തിച്ചുകൊടുക്കുന്നുണ്ടെന്ന് വ്യക്തമായതിനെ തുടര്ന്ന് സ്കൂള് അധികൃതര് വിവരം താമരശ്ശേരി പൊലീസില് അറിയിക്കുകയായിരുന്നു. പൊലീസിന്റെ വിശദമായ ചോദ്യം ചെയ്യലില് തന്റെ രണ്ടാനച്ഛൻ നാടന് ചാരായം വാറ്റുന്നുണ്ടെന്നും, തന്നെ സഹായത്തിന് വിളിക്കാറുണ്ടെന്നുമുള്ള വിവരം വിദ്യാര്ഥി വെളിപ്പെടുത്തി. വാറ്റുചാരായം സൂക്ഷിക്കുന്ന സ്ഥലത്തെ കുറിച്ചും പൊലീസിന് സൂചന ലഭിച്ചു. തുടര്ന്ന് താമരശ്ശേരി പൊലീസ് നടത്തിയ പരിശോധനയില് വിദ്യാര്ഥിയുടെ വീടിനു സമീപത്തെ തോട്ടത്തില് ചാക്കില് കെട്ടിവെച്ച നിലയില് 56 കുപ്പി (28 ലിറ്റര്) വാറ്റ് ചാരായം കണ്ടെടുത്തു. എന്നാല് പ്രതിയായ വിദ്യാര്ഥിയുടെ രണ്ടാനച്ഛനെ പിടികൂടാന് സാധിച്ചിട്ടില്ല. രണ്ടു വിദ്യാര്ഥികളെ പോലീസ് കസ്റ്റഡിയിലെടുത്ത് കോടതിയില് ഹാജരാക്കി.
View Comments (0)