പള്സ് പോളിയോ ഇമ്മ്യൂണൈസേഷന് ജൂണ് 28ന്
രാജ്യവ്യാപകമായി നടത്തുന്ന പള്സ് പോളിയോ ഇമ്മ്യൂണൈസേഷന് സംസ്ഥാനത്ത് 2026 ജൂണ് 28 ഞായറാഴ്ച നടക്കുമെന്ന് ആരോഗ്യം- ദേവസ്വം വകുപ്പ് മന്ത്രി കെ. മുരളീധരന് അറിയിച്ചു. പരിപാടിയുടെ ക്രമീകരണങ്ങള് പൂര്ത്തിയായി. സംസ്ഥാനത്ത് അഞ്ചുവയസ്സിനു താഴെയുളള 19,80,224 കുട്ടികള്ക്കാണ് തുള്ളിമരുന്ന് നല്കുക. ഇതിനായി 22,288 ബൂത്തുകളാണ് സജീകരിക്കുക. തുള്ളിമരുന്ന് നല്കാന് 46,663 സന്നദ്ധപ്രവര്ത്തകരെ പരിശീലനം നല്കി നിയോഗിക്കും. സര്ക്കാര് ആശുപത്രികള്, ആരോഗ്യകേന്ദ്രങ്ങള്, ജനകീയ ആരോഗ്യ കേന്ദ്രങ്ങള്, നഗരാരോഗ്യ കേന്ദ്രങ്ങള്, അങ്കണവാടികള്, സ്വകാര്യ ആശുപത്രികള്, വായനശാലകള്, സ്കൂളുകള്, സന്നദ്ധ സംഘടനകളുടെ കെട്ടിടങ്ങള് എന്നിവയുൾപ്പെടെ ജനങ്ങള്ക്ക് ഏറ്റവും സൗകര്യപ്രദമായ സ്ഥലങ്ങളില് ബൂത്തുകള് ക്രമീകരിക്കും. പരിപാടിയുടെ സംസ്ഥാനതല ഉദ്ഘാടനം ആരോഗ്യ- ദേവസ്വം വകുപ്പ് മന്ത്രി കെ. മുരളീധരന് തൈക്കാട് മാതൃ-ശിശു ആശുപത്രിയില് നിര്വ്വഹിക്കും.
View Comments (0)