
എവർഷൈൻ പാഴൂർ സംഘടിപ്പിക്കുന്ന അഖില കേരള ഫ്ലഡ് ലിറ്റ് സെവൻസ് ഫുട്ബാളിന് പാഴൂരിലെ ചാത്തമംഗലം പഞ്ചായത്ത് മിനി സ്റ്റേഡിയത്തിൽ ബുധനാഴ്ച തുടക്കമാകും.വടക്കേതൊടി ബ്രദേഴ്സ് സ്പോൺസർ ചെയ്യുന്ന വിന്നേഴ്സ് പ്രൈസ് മണിക്കും വാവാട് മുഹമ്മദ് മാസ്റ്റർ വിന്നേഴ്സ് ട്രോഫിക്കും ട്രെന്റി മാർട്ട് മുന്നൂര് സ്പോൺസർ ചെയ്യുന്ന റണ്ണേഴ്സ് പ്രൈസ് മണിക്കും എം.കെ. നല്ലമ്പരൻ റണ്ണേഴ്സ് ട്രോഫിക്കുംവേണ്ടി നടത്തുന്ന ടൂർണമെന്റ് ജീവകാരുണ്യ പ്രവർത്തനങ്ങൾക്കും നാട്ടിലെ വളർന്നു വരുന്ന കായിക താരങ്ങളുടെ പരിശീലനത്തിനും കൂടിയാണ് സംഘടിപ്പിക്കുന്നത്.ഉദ്ഘാടന മത്സരത്തിൽ ടൗൺ ടീം കൊടിയത്തൂർ കോൺലാന്റ് പെരുവയലുമായി ഏറ്റുമുട്ടും. ജില്ലക്കകത്തും പുറത്തുമായി പ്രമുഖ 16 ടീമുകൾ ടൂർണമെന്റിൽ പങ്കെടുക്കും. കളി രണ്ടാഴ്ച നീണ്ടുനിൽക്കും. രാത്രി 8.30നാണ് കിക്കോഫ്. ഡിസംബർ ഒമ്പതിനാണ് ഫൈനൽ.
© Copyright - MTV News Kerala 2021





View Comments (0)