മഴക്കെടുതിയിൽ മരണം ഏഴായി; അടിയന്തര സാഹചര്യം നേരിടാൻ സജ്ജമെന്ന് മുഖ്യമന്ത്രി; നാളെയും മഴ കനക്കും
സംസ്ഥാനത്ത് ശക്തമായ മഴ തുടരുന്നു. മഴക്കെടുതിയില് ഏഴ് ജീവനുകളാണ് ഇന്ന് നഷ്ടമായത്. പൂഞ്ഞാര് പയ്യാനിത്തോട്ടത്തില് വീട് ഇടിഞ്ഞ് അമ്മയും മകനും മരിച്ചു. ഇടുക്കി കോലാഹലമേട്ടില് വീടിന് മുകളിലേക്ക് മണ്ണിടിഞ്ഞ് വൈക്കം സ്വദേശിക്കും അടൂര്മലയില് വീട്ടമ്മക്കും ജീവന് നഷ്ടമായി. മലപ്പുറം കൊണ്ടോട്ടിയില് നാല് വയസുകാരനും ഒഴുക്കില്പ്പെട്ട് മരിച്ചു. കോട്ടയം വാകത്താനം ചക്കന് ചിറയില് വെള്ളക്കെട്ടില് വീണ് 11 വയസുകാരനും ജീവന് നഷ്ടമായി. മലപ്പുറത്തുതന്നെ ഒഴുക്കില്പ്പെട്ട് രണ്ടര വയസുകാരനും മരിച്ചു.നാളെയും മഴ കനക്കുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. നാളെ പന്ത്രണ്ട് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. തിരുവനന്തപുരം, കൊല്ലം ജില്ലകള് ഒഴികെ പന്ത്രണ്ട് ജില്ലകളിലാണ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്. അതേസമയം ഏത് അടിയന്തര സാഹചര്യവും നേരിടാന് സംസ്ഥാനം സജ്ജമാണെന്ന് മുഖ്യമന്ത്രി വി ഡി സതീശന് പറഞ്ഞു. മരണപ്പെട്ടവരുടെ കുടുംബാംഗങ്ങള്ക്കു സര്ക്കാര് ധനസഹായം നല്കും. വീടുകളും കൃഷിയും ജീവനോപാധികളും നഷ്ടപ്പെട്ടവര്ക്കും സര്ക്കാര് മതിയായ ധനസഹായം ഉറപ്പാക്കും. പരിക്കേറ്റവര്ക്ക് മികച്ച ചികിത്സ ഉറപ്പാക്കുമെന്നും മുഖ്യമന്ത്രി കൂട്ടിച്ചേര്ത്തു.മഴ കാരണം ഇന്ന് പിഎസ്സി പരീക്ഷ എഴുതാന് കഴിയാത്ത ഇടുക്കി, കോട്ടയം, പത്തനംതിട്ട ജില്ലകളിലെ ഉദ്യോഗാര്ത്ഥികള്ക്ക് അവസരം നല്കുമെന്ന് പിഎസ്സി അറിയിച്ചുഅതേസമയം കണ്ണൂർ,വയനാട്, മലപ്പുറം, കാസർഗോഡ് ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധിയാണ്.
View Comments (0)