കോഴിക്കോട്ട് തൊഴിലുറപ്പ് ജോലിക്കിടെ 65-കാരിക്ക് പാമ്പ് കടിയേറ്റു; കാലിൽ കടിച്ചത് മൂർഖൻ

തൊഴിലുറപ്പ് ജോലിക്കിടെ മധ്യവയസ്‌കയ്ക്ക് പാമ്പ് കടിയേറ്റു. പൂനൂര്‍ ചാലില്‍പുറായില്‍ വിമല (65) യ്ക്കാണ് കടിയേറ്റത്. കഴിഞ്ഞ ദിവസം ഉച്ചയോടെ ആഡംബരക്കുന്ന് എന്ന സ്ഥലത്തുവെച്ചായിരുന്നു സംഭവം.ജോലിസ്ഥലത്തുനിന്നും ഉച്ചഭക്ഷണം കഴിക്കാനായി നടന്നു പോകുമ്പോഴാണ് കാലിന് മൂര്‍ഖന്‍ പാമ്പിന്റെ കടിയേറ്റത്. ഇവരെ ഉടനെ തന്നെ താമരശ്ശേരി താലൂക്ക് ആശുപത്രിയില്‍ എത്തിച്ച് പ്രാഥമിക ചികിത്സ നല്‍കി. തുടര്‍ന്ന് വിദഗ്ധ ചികിത്സക്കായി കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.