ദിവസങ്ങള്‍ക്ക് ശേഷം സ്വര്‍ണത്തിന് നേട്ടം; വിലയില്‍ വർധന

ദിവസങ്ങള്‍ക്ക് ശേഷം കേരളത്തില്‍ സ്വര്‍ണവില ഉയര്‍ന്നു. ഗ്രാമിന് 45 രൂപയുടെ വര്‍ധനവാണ് ഇന്നുണ്ടായത്. 12,775 രൂപയായാണ് വില ഉയര്‍ന്നത്. പവന് 360 രൂപയുടെ വര്‍ധനയാണ് ഉണ്ടായത്. 1,02,200 രൂപയായാണ് പവന്‍ വില വര്‍ധിച്ചത്.രാജ്യാന്തര വിപണിയില്‍ നേരിയ നേട്ടത്തോടെയാണ് സ്വര്‍ണം വ്യാപാരം നടത്തുന്നത്. 19 ഡോളറിന്റെ നേട്ടമാണ് സ്വര്‍ണത്തിന് ഉണ്ടായത്. ഔണ്‍സിന് 3,906.66 ഡോളറായാണ് സ്വര്‍ണവില ഉയര്‍ന്നത്.

പലിശനിരക്കുകള്‍ സ്വര്‍ണത്തിന് വെല്ലുവിളി

പലിശനിരക്കുകള്‍ ഉയരുമ്പോള്‍ സ്വര്‍ണത്തിന്റെ ആകര്‍ഷണം കുറയാറുണ്ട്. പലിശ ലഭിക്കാത്ത നിക്ഷേപമായതിനാല്‍ ഉയര്‍ന്ന പലിശനിരക്കുള്ള സാഹചര്യത്തില്‍ നിക്ഷേപകര്‍ മറ്റു ആസ്തികളിലേക്ക് മാറാനുള്ള സാധ്യത കൂടുതലാണ്.