അമ്മ മരിച്ചതിന് പിന്നാലെ മകളെ പീഡിപ്പിച്ച് അച്ഛന്; കേസെടുത്ത് പൊലീസ്; സംഭവം പത്തനംതിട്ടയില്
പത്തനംതിട്ടയില് പതിനാറ് വയസുകാരിയായ മകളെ അച്ഛന് പീഡിപ്പിച്ചതായി പരാതി. സ്കൂളില് കൗണ്സിലിങ്ങിനിടെ പെണ്കുട്ടി പീഡന വിവരം വെളിപ്പെടുത്തുകയായിരുന്നു. സംഭവത്തില് പിതാവിനെതിരെ അടൂര് പൊലീസ് കേസ് രജിസ്റ്റര് ചെയ്തു. ഇയാളെ കസ്റ്റഡിയില് എടുത്ത് ചോദ്യം ചെയ്തുവരികയാണ്.കൊല്ലം ജില്ലയിലെ സ്കൂളിലായിരുന്നു വിദ്യാര്ത്ഥി പഠിച്ചിരുന്നത്. ഇവിടെവെച്ചു നടന്ന കൗണ്സിലിങ്ങിനിടെയാണ് പെണ്കുട്ടി പീഡന വിവരം തുറന്നുപറഞ്ഞത്. വിദേശത്തായിരുന്നു പെണ്കുട്ടിയും അമ്മയും അച്ഛനും താമസിച്ചിരുന്നത്. വിദേശത്തുവെച്ച് അമ്മ രോഗം ബാധിച്ച് മരിച്ചു. ഇതിന് ശേഷം പിതാവ് പീഡിപ്പിച്ചതായാണ് കുട്ടി വെളിപ്പെടുത്തിയത്. ആ സമയം കുട്ടി എട്ടാം ക്ലാസില് പഠിക്കുകയായിരുന്നു. നാട്ടില് എത്തിയ ശേഷവും പിതാവ് പീഡിപ്പിച്ചതായും പെണ്കുട്ടി ചൈല്ഡ് ലൈന് പ്രവര്ത്തകര് നടത്തിയ കൗണ്സിലിങ്ങില് വെളിപ്പെടുത്തി. ചൈല്ഡ് ലൈന് പ്രവര്ത്തകര് നല്കിയ പരാതിയുടെ അടിസ്ഥാനത്തിലാണ് പൊലീസ് വിഷയത്തില് ഇടപെട്ടത്. 49കാരനാണ് കേസിലെ പ്രതി. വിശദമായ ചോദ്യം ചെയ്യലിന് ശേഷം അറസ്റ്റ് അടക്കമുള്ള നടപടികളിലേക്ക് കടക്കും.
View Comments (0)