രാജ്യത്ത് ഇന്ധനവില കുറയില്ല; സൂചനകളുമായി എണ്ണക്കമ്പനികള്
രാജ്യത്ത് ഇന്ധന വില കുറയില്ലെന്ന് റിപ്പോര്ട്ട്. ക്രൂഡ് ഓയില് വില കുത്തനെ കുറഞ്ഞെങ്കിലും ഇന്ധന വില ഉടന് കുറയില്ലെന്നാണ് എണ്ണക്കമ്പനികള് നല്കുന്ന വിവരം. പശ്ചിമേഷ്യന് സംഘര്ഷകാലത്ത് എണ്ണക്കമ്പനികള് നേരിട്ട നഷ്ടം നികത്തുന്നതിന്റെ ഭാഗമായി എണ്ണ വില കുറയ്ക്കില്ലെന്നാണ് വിവരം. ഇറാന്-യുഎസ് സമാധാന കരാറില് അന്തിമ തീരുമാനം എടുക്കും വരെ വില കുറയാന് സാധ്യത ഇല്ല. വില കുറയ്ക്കാന് തയ്യാറല്ലെന്ന കാര്യം എണ്ണക്കമ്പനികള് കേന്ദ്രസര്ക്കാരിനെ അറിയിക്കും.ഇറാന്-യുഎസ് സമാധാന കരാറിന് പിന്നാലെ ആഗോള എണ്ണവിലയില് വന് ഇടിവാണ് സംഭവിച്ചത്. ബ്രെന്റ് ക്രൂഡ് ഓയില് വില ബാരലിന് 79.88 ഡോറളിലെത്തിയിരുന്നു. മൂന്ന് മാസത്തിനിടെ ഇതാദ്യമായാണ് എണ്ണവില ഇത്രയും കുറയുന്നത്. സമാധാന കരാര് നിലവില് വന്നതിന് പിന്നാലെ ക്രൂഡ് ഓയില് വിലയില് 5 ശതമാനത്തിന്റെ ഇടിവ് വന്നിരുന്നു. 82 ഡോളറായിരുന്നു ഒരു ബാരലിന് വില.
View Comments (0)