സ്വർണവിലയിൽ ഇടിവ്; കുറഞ്ഞത് ആയിരത്തിലേറെ രൂപ

സംസ്ഥാനത്ത് ഇന്ന് സ്വർണവില കുറഞ്ഞു. പവന് ആയിരത്തിലേറെ രൂപയാണ് കുറഞ്ഞത്. 1040 രൂപ കുറഞ്ഞ് 1,04,800 രൂപയാണ് ഒരു പവൻ സ്വർണത്തിന്റെ ഇന്നത്തെ വില. ഗ്രാമിന് 130 രൂപയാണ് കുറഞ്ഞത്. 13,100 രൂപയാണ് ഇന്നത്തെ വില. 24 കാരറ്റ് സ്വർണത്തിനും സമാനമായ വിലക്കുറവാണ് ഉണ്ടായിരിക്കുന്നത്. 1136 രൂപ കുറഞ്ഞ് 1,14,328 രൂപയിലാണ് ഒരു പവൻ സ്വർണം വ്യാപാരം നടത്തുന്നത്. ഗ്രാമിന് 142 രൂപയാണ് കുറഞ്ഞത്.കഴിഞ്ഞ ഒരാഴ്ചയായി സ്വർണവിലയിൽ ഉയർച്ച താഴ്ചകൾ പതിവായിരിക്കുകയാണ്. ഈ മാസമാദ്യം 1,03,240 രൂപയായിരുന്നു ഒരു പവന്റെ വില. പിന്നീട് പല ദിവസങ്ങളായി 1,07,800 രൂപ വരെ ഉയര്‍ന്നിരുന്നു. ഇതിന് ശേഷമാണ് രണ്ട് ദിവസമായി ഇടിവ് നേരിട്ടുകൊണ്ടിരിക്കുന്നത്.