മഴ ശക്തം; 10 ജില്ലകളില്‍ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി

സംസ്ഥാനത്ത് ഇന്നും തീവ്ര മഴയ്ക്ക് സാധ്യത. തിരുവനന്തപുരവും കൊല്ലവും ഒഴികെ ജില്ലകളിൽ ഓറഞ്ച് അലർട്ട് പ്രഖ്യാപിച്ചു. തിരുവനന്തപുരത്തും കൊല്ലത്തും യെലോ അലർട്ട് ഉണ്ട്. 60 കിലോമീറ്റർ വരെ വേഗത്തില്‍ കാറ്റ് വീശാനും സാധ്യതയുണ്ട്. കേരള, ലക്ഷദ്വീപ് , കർണാടക തീരങ്ങളിൽ മത്സ്യബന്ധനം വിലക്കി. നാളെ മഴയുടെ ശക്തി കുറയും.മുഖ്യമന്ത്രി ഇന്ന് പത്തനംതിട്ടയിൽ പ്രളയബാധിത പ്രദേശങ്ങളായ ആറന്മുളയും റാന്നിയും സന്ദർശിക്കും. ദുരിതബാധിതരുടെ പ്രശ്നങ്ങളും പരാതികളും മുഖ്യമന്ത്രി കേൾക്കും. ബുധനാഴ്ചത്തെ മന്ത്രിസഭായോഗം കൂടുതൽ ആശ്വാസ നടപടികളും സഹായവും പ്രഖ്യാപിക്കും . ശനി, ഞായർ ദിവസങ്ങളിൽ മുഖ്യമന്ത്രി മഴക്കെടുതി ബാധിത സ്ഥലങ്ങൾ സന്ദർശിച്ചില്ല എന്ന പരാതി നിലനിൽക്കുന്നതിനിടെയാണ് സന്ദർശനം.