
ആന്റിബയോട്ടിക്കുകൾ കരുതലോടെ ഉപയോഗിക്കാം;ജില്ലയിൽ ആന്റിമൈക്രോബിയല് പ്രതിരോധ വാരാചരണത്തിന് തുടക്കം
ആന്റിബയോട്ടിക്കുകളുടെ തെറ്റായ ഉപയോഗത്തിന്റെ ദോഷവശങ്ങളെക്കുറിച്ച് പൊതുജനങ്ങള്ക്കിടയില് ബോധവത്കരണം നടത്തുന്നതിന്റെ ഭാഗമായി നവംബര് 18 മുതല് 24 വരെ ലോക ആന്റിമൈക്രോബിയല് പ്രതിരോധ വാരമായി ആചരിക്കുന്നു. വാരാചരണത്തിന്റെ ജില്ലാതല ഉദ്ഘാടനം കുന്നമംഗലം ബ്ലോക്ക് പഞ്ചായത്ത് ഹാളില് ബ്ലോക്ക് പഞ്ചായത്ത് പ്രസിഡന്റ് സി.കെ. ഫസീല നിര്വഹിച്ചു. കുന്നമംഗലം ഗ്രാമപഞ്ചായത്ത് പ്രസിഡന്റ് സി.വി. സംജിത് അധ്യക്ഷത വഹിച്ച ചടങ്ങില് ബ്ലോക്ക് പഞ്ചായത്ത് വൈസ് പ്രസിഡന്റ് വിനോദ് പടനിലം ദിനാചരണ പ്രതിജ്ഞ ചൊല്ലികൊടുത്തു.നവകേരള കര്മ്മ പദ്ധതി നോഡല് ഓഫീസര് ഡോ. അഖിലേഷ് കുമാര് ദിനാചരണ സന്ദേശം നല്കി. എ.എം.ആര്. പ്രോഗ്രാം നോഡല് ഓഫീസര് ഡോ. സ്മിത റഹ്മാന് ബോധവത്കരണ ക്ലാസ് നയിച്ചു. കുന്നമംഗലം കുടുംബാരോഗ്യ കേന്ദ്രം മെഡിക്കല് ഓഫീസര് ഡോ. അര്ച്ചന, ചെറുവാടി ബ്ലോക്ക് മെഡിക്കല് ഓഫീസര് ഡോ. മായ, ജില്ലാ മെഡിക്കല് ഓഫീസിലെ ടെക്നിക്കല് അസിസ്റ്റന്റ് എന്. സുരേന്ദ്രന്, സ്റ്റോര് വെരിഫിക്കേഷന് ഓഫീസര് അഷിത, ജില്ലാ നഴ്സിങ് ഓഫീസര് ഇന്ദിര, ജില്ലാ എഡ്യൂക്കേഷന് മീഡിയ ഓഫീസര് ഡോ. എല്. ഭവില , ഡെപ്യൂട്ടി ജില്ലാ എഡ്യൂക്കേഷന് മീഡിയ ഓഫീസര് ഡോ. കെ.ടി. മുഹ്സിന്, കുന്നമംഗലം കുടുംബാരോഗ്യ കേന്ദ്രം ഹെല്ത്ത് ഇന്സ്പെക്ടര് സജീഷ് തുടങ്ങിയവര് സംസാരിച്ചു.കെ.എം.സി.ടി. മെഡിക്കല് കോളേജിലെ നഴ്സിങ് വിദ്യാര്ഥികള് ഫ്ളാഷ് മോബ് അവതരിപ്പിച്ചു. വാരാചരണത്തിന്റെ ഭാഗമായി സംഘടിപ്പിച്ച പോസ്റ്റര് രചനാ മത്സരത്തിലെ വിജയികള്ക്കുള്ള സമ്മാനദാനവും ആന്റിബയോട്ടിക്കുകളുടെ വില്പ്പന സംബന്ധിച്ച ബോധവത്കരണത്തിന്റെ ഭാഗമായി മെഡിക്കല് ഷോപ്പുകളില് പതിപ്പിക്കുന്നതിനുള്ള പോസ്റ്റര് പ്രകാശനവും നടന്നു. ജനപ്രതിനിധികള്, അങ്കണവാടി ടീച്ചര്മാര്, കുടുംബശ്രീ പ്രവര്ത്തകര് തുടങ്ങിയവര് ചടങ്ങില് പങ്കെടുത്തു.നവംബര് 24 വരെ ജില്ലയിലെ വിവിധ ആരോഗ്യ സ്ഥാപനങ്ങളില് ആന്റിമൈക്രോബിയല് റെസിസ്റ്റന്സ് സംബന്ധിച്ച ബോധവത്കരണ പ്രവര്ത്തനങ്ങള് നടത്തും. പൊതുജനങ്ങള്, വിദ്യാര്ഥികള്, മെഡിക്കല് ഷോപ്പ് ജീവനക്കാര് എന്നിവര്ക്കുള്ള ബോധവത്കരണ ക്ലാസുകള്, സാമൂഹികമാധ്യമങ്ങള് വഴിയുള്ള ബോധവത്കരണം, സ്വകാര്യ ആശുപത്രികളിലെയും ആയുഷ്, ഹോമിയോ വകുപ്പ് സ്ഥാപനങ്ങളിലെയും ജീവനക്കാര്ക്കുള്ള ക്ലാസുകള്, ആന്റിബയോട്ടിക് ഉപയോഗത്തെക്കുറിച്ചുള്ള പൊതുജനങ്ങളുടെ അറിവ് പരിശോധിക്കുന്നതിനുള്ള ഓണ്ലൈന് ക്വിസ് തുടങ്ങിയ പരിപാടികള് വാരാചരണത്തിന്റെ ഭാഗമായി സംഘടിപ്പിക്കുന്നുണ്ട്.
© Copyright - MTV News Kerala 2021





View Comments (0)